அதிகமான பெண்கள் அரசியலுக்கு வர வேண்டும்… ராகுல் காந்தி அழைப்பு…!

அதிகமான பெண்கள் அரசியலுக்கு வர வேண்டும் என்று ராகுல் காந்தி அழைப்பு விடுத்துள்ளார்.

அரசியல் மற்றும் முடிவு எடுப்பதில் பெண்களுக்கு சம பங்களிப்பு வழங்கும் வகையில் இளைஞர் காங்கிரஸ் சார்பாக சக்தி அபியான் என்ற திட்டம் செயல்படுத்தப்பட்டுள்ளது. உள்ளாட்சி அமைப்புகள், சட்டமன்றங்கள் மற்றும் பாராளுமன்றத்தில் பெண்களின் பங்களிப்பை அதிகப்படுத்தும் வகையில் இது உருவாக்கப்பட்டுள்ளது. இதே போல் பெண்களின் குரலை வலுப்படுத்தவும் சமூகத்தில் தேவையான மாற்றத்தை ஏற்படுத்தவும்.

இந்திரா தோழமை அமைப்பு என்ற திட்டத்தையும் காங்கிரஸ் கட்சி ஏற்பாடு செய்துள்ளது. இதன் மூலமாக அதிகளவில் பெண்கள் அரசியலில் அடி எடுத்து வைக்கும்படி காங்கிரஸ் கட்சியின் தலைவர் ராகுல் காந்தி அழைப்பு விடுத்துள்ளார். இது தொடர்பாக அவர் தனது சமூக வலைதள பக்கத்தில் தெரிவித்திருந்ததாவது: “அரசியலின் பெண்களின் குரலை வலுப்படுத்தும் நோக்கில் ஓர் ஆண்டுக்கு முன்பு இந்திரா தோழமை அமைப்பை தொடங்கியிருந்தோம்.

இன்று இந்த முயற்சி பெண்களின் தலைமைத்துவத்துக்கான சக்தி வாய்ந்த இயக்கமாக இருக்கின்றது. உண்மையான சமத்துவம் மற்றும் நீதிக்காக அதிக பெண்கள் அரசியலுக்கு தேவைப்படுகிறார்கள். உண்மையான மாற்றத்தை ஏற்படுத்துவதில் ஆர்வமாக இருக்கும் பெண்கள் அனைவரும் சக்தி அபியான் என்ற திட்டத்தில் சேர்ந்து பங்கேற்பாளர்களாக மாறுங்கள்.

இதன் மூலம் வலுவான அடிமட்ட அமைப்புகளை உருவாக்கலாம். அர்த்தமுள்ள மாற்றத்தை ஏற்படுத்தலாம். எங்களுடன் சேர்ந்து இன்றே இந்த திட்டத்தில் இணையுங்கள். கிராமம் முதல் ஒட்டுமொத்த தேசம் வரை இணைந்து மாற்றத்தை செயல்படுத்துவோம்” என்று ராகுல் காந்தி அழைப்பு விடுத்திருக்கின்றார்.