அக்டோபர் 2-ல் த.வெ.க மாநாடு பந்தலுக்கு பூமி பூஜை… தொடங்கப்பட்ட ஏற்பாடு…!

அக்டோபர் 2-ம் தேதி தமிழக வெற்றிக் கழகத்தின் முதல் மாநாடு பந்தலுக்கு பூமி பூஜை நடைபெற இருப்பதாக தகவல் வெளியாகியிருக்கின்றது.

நடிகர் விஜய் தமிழ்நாடு வெற்றிகழகம் என்ற கட்சியை தொடங்கி இருக்கின்றார். இந்த கட்சி சார்பாக வருகிற 2026 சட்டமன்ற தேர்தலில் போட்டியிட இருக்கின்றார். தமிழக வெற்றிக் கழகத்தின் முதல் மாநாடு அக்டோபர் 27ஆம் தேதி விக்ரவாண்டி அடுத்துள்ள வி.சாலையில் நடைபெற இருக்கின்றது. இந்நிலையில் தமிழக வெற்றிக்கழக மாநாடு பந்தலுக்கான பூமி பூஜை வரும் அக்டோபர் இரண்டாம் தேதி நடைபெறும் என்று கூறப்பட்டுள்ளது.

அதன்படி தமிழகத்தின் 38 மாவட்டங்களில் இருந்து குறைந்தது 4 லட்சம் பேரை இந்த மாநாட்டில் பங்கேற்க வைப்பதற்கு திட்டமிடப்பட்டிருப்பதாக கூறப்படுகின்றது. மேலும் வீட்டில் இருந்து புறப்படும் தமிழக வெற்றி கழகத் தொண்டர்கள் மாநாட்டில் கலந்து கொண்டு வீடு திரும்பும் போது வரை உள்ள சவால்களை சமாளிப்பது குறித்து விஜய் யூகம் வகுத்து கொடுத்துள்ளதாக கூறப்பட்டுள்ளது.

மாநாட்டுக்கு வரும் வாகனங்களின் பதிவி இன்சூரன்ஸ், ஆர்சி புத்தகத்தை முன்கூட்டியே கட்சி தலைமைக்கு அனுப்ப வேண்டும் என்று விஜய் தெரிவித்து இருக்கின்றார். இதுவரை நூற்றுக்கணக்கான வாகனங்களின் ஆவணங்கள் விஜய் கட்சி தலைமை அலுவலகத்திற்கு வந்துள்ளதாக கூறப்படுகின்றது. தொண்டர்களின் போக்குவரத்து சிக்கலை எதிர்கொள்ள தனியாக ஒரு வழக்கறிஞர் பிரிவை விஜய் உருவாக்கி இருக்கின்றார்.

மேலும் மாநாட்டிற்கு வரும் தொண்டர்களின் வாகனங்களுக்கு யாரேனும் தடை ஏற்படுத்தினாலோ, வாகனங்கள் பிரச்சனையில் சிக்கினாலோ அதை தீர்ப்பதற்கு பொறுப்பாளர்களும் நியமிக்கப்பட்டிருக்கிறார்கள். ஒவ்வொரு மாவட்ட நிர்வாகமும் குறைந்தது 6,000 முதல் 10,000 பேரை அழைத்து வர வேண்டும் என்று கட்டளை விடுக்கப்பட்டுள்ளது.

லட்சக்கணக்கில் தொண்டர்கள் வருவார்கள் என்பதை காவல்துறையினரிடம் கூறி அதற்கான ஏற்பாடுகளை வழங்குவதற்கும் தமிழக வெற்றிக்கழகம் முடிவு செய்து இருக்கின்றது. மாநாடு மேடையில் விஜயுடன் அனைத்து மாவட்ட செயலாளர்களையும் அமர வைப்பதற்கு திட்டமிடப்பட்டுள்ளது. மாவட்ட செயலாளர் வெள்ளை நிற ஆடை அணிந்து வரவேண்டும் என்று கூறப்பட்டுள்ளது. மேலும் அக்டோபர் 2-ம் தேதி மாநாடு பந்தலுக்கு பூமி பூஜை நடைபெறும் என்று அதிகார தகவல் வெளியாகி உள்ளது.