Corona Relief Fund
Corona Relief Fund

கொரொனா தடுப்பு நிவாரண நிதி எவ்வளவு தெரியுமா?? தமிழக முதல்வர் ட்விட்டரில் அறிவிப்பு!

இந்திய அளவில் கொரொனாவின் பாதிப்பு மக்களிடையே பெரும் அச்சத்தை ஏற்படுத்திக் கொண்டுதானிருக்கிறது. இந்திய அளவில் நேற்றைய நிலவரபடி, கொரொனா பாதித்தவரின் எண்ணிக்கை 17 ஆயிரத்தை தாண்டியது.

இதனை அடுத்து, மத்திய அரசும், மாநில அரசும் மக்களிடம் தங்களால் முடிந்த கொரொனா நிதி உதவியை தருமாறு கேட்டுக் கொண்டுள்ளனர். இதை தொடர்ந்து அடித்தட்டு மக்கள் முதல் திரை பிரபலங்கள் வரை நிதியாகவோ, பொருட்களாகவோ அரசுக்கு உதவி கரம் நீட்டி வருகின்றனர்.

இந்நிலையில், கொரோனா தடுப்பு நிவாரண நிதியாக இதுவரை ரூ.160.93 கோடி பெறப்பட்டுள்ளதாகவும், முதலமைச்சரின் பொது நிவாரண நிதிக்கு வழங்கப்பட்டுள்ளதாகவும், கடந்த 7 நாட்களில் மட்டும் ரூ.26.30 கோடி நிவாரண நிதி பெறப்பட்டுள்ளதாகவும் தமிழக முதல்வர் ட்விட்டரில் அறிவித்துள்ளார்.