Connect with us

Entertainment

திடீர் போராளிகளை எதிர்த்து கவிஞர் தாமரையின் பதிவு

ஹாரிஸ் ஜெயராஜின் இசையில் வந்த பல படங்களுக்கு பாடல் எழுதியவர் கவிஞர் தாமரை. இவர் சில மாதங்களுக்கு முன் தோழர் தியாகு, சுப. வீ இவர்களின் சில தவறான கருத்துக்களை எதிர்த்தார். தோழர் தியாகு தன்னை ஏமாற்றியதற்கு போராட்டம் எல்லாம் நடத்தினார்.

தற்போது நேற்று இவர் சமூகவலைதளத்தில் இட்டிருக்கும் பதிவு வைரல் ஆகி வருகிறது அந்த பதிவு இதோ.

தமிழ்நாட்டில் கடந்த சில நாட்களாக பெண்களின் மீதான பாலியல் சீண்டல்கள்/வன்முறை மீண்டும் பேசுபொருளாகியிருக்கிறது. இந்தமுறை புண்ணியம் கட்டிக் கொண்டது பத்மா சேசாத்ரி பள்ளி. பாரம்பரியம் மிக்கதாகவும் சமூகத்தில் உயர்படியில் இருப்பதாகவும் தோற்றத்தைக் கொண்ட பள்ளி அசிங்கப்பட்டு நிற்கிறது.
முன்னாள் மாணவிகள், விதயத்தைத் துணிந்து இணையத்தில் வெளியிட, தீ பற்றிக் கொண்டது. நல்லதுதான்… வேண்டியதுதான். ஆசிரியக் கோமகன் இராசகோபாலன் தற்போது சிறையில் !. எவ்வளவு வேகமான நடவடிக்கை ! கண்டிப்பாக வரவேற்க வேண்டும். கல்வித்துறை அமைச்சருக்கும் காவல்துறைக்கும் பாராட்டுகள் !
அப்படியே கொஞ்சம் திரும்பி மற்ற கோப்புகளையும் பார்ப்போமா ??
மூன்றாண்டுகளுக்கு முன்பு சின்மயி உட்பட 13 பெண்கள் பிரபல பாடலாசிரியர் வைரமுத்து மேல் வைத்த பாலியல் குற்றச்சாட்டின்போது ஊடகங்களும் சமூகமும் அரசும் அரசியல் இயக்கங்களும் பெண்ணுரிமைப் போராளிகளும் நடந்து கொண்டது எப்படி ?
.
சின்மயி பார்ப்பனர் என்கிற ஒரே காரணத்துக்காக அடித்துத் துவைக்கப் பட்டார். அவர் தொழில் பாதிக்கப்பட்டு தொந்தரவு கொடுக்கப்பட்டு அலைக்கழிக்கப் பட்டார். இன்றுவரை நீதி கிடைக்கவில்லை. தனியொரு பெண்ணாக நின்று போராடுகிறார்.
முகிலன் என்றோர் ஊரறிந்த ‘போராளி’… இசை என்ற பெண்ணை பாலியல்ரீதியாக ஏமாற்றி, தப்பிப்பதற்காக ஓடி ஒளிந்து கொண்டு ‘கடத்தல்’ நாடகம் ஆடுகிறான். எத்தனையெத்தனை அலப்பறை தமிழ்நாட்டில் !! அந்தப் பெண் முறையாகப் புகார் கொடுத்து, வழக்குப் பதிவான பிறகே போராளி கண்டுபிடிக்கப்பட்டுக் கைது செய்யப்பட்டான். இப்போது பிணையில் வெளியே வந்து மீண்டும் ‘போராளி’ தொழில் ஆரம்பித்தாகி விட்டது.
அதற்கும் முன்னதாக, தோழர் தியாகு என்றழைக்கப்பட்ட, கைதேர்ந்த, முகிலனுக்கெல்லாம் முன்னோடி போராளி, பழம் தின்று கொட்டை போட்ட பெருச்சாளி, இயக்க வேலைகளுக்காகவும் பொதுவாக உதவிநாடியும் வந்தவர்களைத் தன்பிடியில் சிக்க வைத்துக் கொண்டு பாலியல் துன்புறுத்தல் செய்து வந்தது தமிழ்கூறும் நல்லுலகுக்கெல்லாம் தெரிந்த சங்கதி !. மெத்தப்படித்த மேதாவி சுபவீ முட்டுக்களவாணி என்பதுவும் அனைவரும் அறிந்ததுவே !.
ஆனால் நடந்தது என்ன ? நான் குழந்தையோடு தெருவுக்கு வந்ததுதான் மிச்சம்.
இன்றைக்கு ஆவேசமாக நெற்றிக்கண்ணைத் திறக்கும் நக்கீரர்களும், இழுத்து வந்து தெருவில் வைத்து அறுத்துவிட வேண்டும் என்று பொங்கும் களஞ்சியங்களும் அன்று செய்தது என்ன ?.
இராசகோபாலன்களுக்கும் வைரமுத்து தியாகு முகிலன்களுக்கும் என்ன வேறுபாடு ?
ஒரு பார்ப்பனப் பொறுக்கி கிடைத்தால் மொத்துவீர்கள், திராவிடப் பொறுக்கிகளென்றால் ஒத்துவீர்களோ !!
.
பாதிக்கப்படும் பெண்கள் வெளியே வந்து குரலெழுப்புவதே அரிது, அதிலும் எழுப்பும் பெண்களின் சாதி, மதம், நிறம், இடம், நிலை பார்த்துதான் உங்கள் விமர்சனம் இருக்குமோ
எதற்கெடுத்தாலும், நீதிமன்றத்துக்குப் போ, காவல்துறையில் புகார் கொடு, சட்ட நடவடிக்கை எடு… பொதுவெளியில் பேசக்கூடாது, வாய்ப்பூட்டு போட்டுக் கொள்…
முறையாகப் புகார் கொடுத்த சின்மயி இன்றுவரை போராடுகிறார், புகார் கொடுத்த இசை இன்றைக்கும் உயிராபத்தில் நிற்கிறார், எத்தனை அலைக்கழிப்பு அவமானம் நேரவிரயம் உடல்நலப் பாதிப்பு !
விமர்சனம் செய்யும் எந்தக் கோமாளிக்கும் காவல்நிலையத்துக்கு அலைவது, நீதிமன்றத்தில் காய்வது என்றால் என்னவென்று தெரியாது… போய்த்தான் பாருங்களேன் உங்கள் வீட்டிலிருந்து ஒரு வழக்கைப் பதிவு செய்து கொண்டு !
ஒரு பாலியல் குற்றம் நிகழ்கிறதெனில் சாதி மதம் சமூகநிலை பதவி பணபலம் எதையும் பாராமல் பாதிக்கப்பட்டவர் பக்கம் நிற்க வேண்டும். அதுதான் அறம் !. மாறாக, பக்கம் பார்த்துதான் பொங்குவேன் என்றால் அதற்குப் பெயர் பச்சோந்தித்தனம் !.
குற்றம் புரிந்தவர்கள் எதுவுமே நடவாதது போல இளித்துக் கொண்டு மாலை மரியாதை பொன்னாடை பூமாலை விருது மேடை கைதட்டு என்று கொண்டாடிக் கொண்டிருக்க குற்ற இரைகள் ( victims) நொந்து நொம்பலப்பட்டு உடல்நலம் கெட்டு உயிருக்குப் பயந்து ஒடுங்கிப் போய்விடுகிறார்கள்.
இந்த இழவையெல்லாம் நான் எட்டு ஆண்டுகளுக்கு முன்பே தியாகு விதயத்தில் பார்த்து விட்டதால்தான், அரசியல், பொதுவாழ்க்கை இவற்றிலிருந்து முற்றிலும் என்னை விடுவித்துக் கொண்டு ஒதுங்கி விட்டேன். போராட்டம் பொதுக்கூட்டம் போஸ்டர் தமிழ்த்தேசியம் தக்காளி ராச்சியம் என்று பேசிக் கொண்டு எந்தத் தறுதலையும் என்னை வந்து சந்திக்க முடியாத தொலைவில் நின்று கொண்டேன்.
இப்போதும் சொல்கிறேன்… செல்வாக்குப் பெற்றவர்களை சட்டரீதியாகத் தண்டிக்க முடியாது. ஆனால் சமூகரீதியாக தண்டிக்க முடியும். சமூகம் அவர்கள் முகத்தில் காறி உமிழ வேண்டும். வீட்டிலிருந்து வெளியே வந்தால், ‘த்தூ’ என்ற குரல்தான் அவர்கள் காதில் விழ வேண்டும்.
தியாகு சுபவீ முகிலன் போன்றவர்களை அம்பலப்படுத்த சரியான நேரத்துக்காக இன்னும் காத்திருக்கிறேன். ஆதாரங்களெல்லாம் தேவையான அளவு இருக்கிறது இவ்வாறு தாமரை கூறி இருக்கிறார்.

பாருங்க:  திமுக தலைவர் ஸ்டாலின் பிறந்த நாள் குவிந்து வரும் வாழ்த்து

Entertainment

தீபாவளிக்கு மாநாடு கிடையாது

சிம்பு நடித்துள்ள மாநாடு படத்தை வெங்கட் பிரபு இயக்கியுள்ளார். இப்படம் வரும் நவம்பர் 4 தீபாவளி அன்று வெளியாகும் என்று எதிர்பார்க்கப்பட்ட நிலையில் வரும் தீபாவளிக்கு இப்படம் கிடையாது என அறிவிக்கப்பட்டுள்ளது.

தீபாவளிக்கு அண்ணாத்தே உள்ளிட்ட படங்கள் வெளியாவதால் இப்படம் வரும் நவம்பர் 25ம் தேதிக்கு மாற்றி வெளியிட திட்டமிட்டுள்ளதாக தயாரிப்பாளர் சுரேஷ் காமாட்சி கூறியுள்ளார்.

அவர் வெளியிட்டுள்ள அறிக்கை இதோ.

பாருங்க:  நடிகர் கமல்ஹாசனின் கொரொனா கீதம் அறிவும், அன்பும் - யூடியூபில் ட்ரெண்டிங் வீடியோ
Continue Reading

Entertainment

டெங்கு பாதிப்பு இல்லை- சுகாதாரத்துறை செயலர்

வருடா வருடம் மழைக்காலம் ஆரம்பித்த உடன் இந்த அக்டோபர், நவம்பர் மாதங்களில் தீபாவளியை ஒட்டி டெங்கு காய்ச்சல் பாதிப்பு அதிகம் இருக்கும்.

இந்நிலையில் நேற்று கொடைக்கானல் வருகை புரிந்த சுகாதாரத்துறை செயலர் ராதாகிருஷ்ணன், அங்குள்ள அரசு மருத்துவமனையில் ஆய்வு நடத்தி விட்டு  நிருபர்களை சந்திக்கையில் கூறியதாவது.

தமிழகத்தில் 5 கோடியே 32 லட்சம் பேருக்கு கரோனா தடுப்பூசி செலுத்தப்பட்டுள்ளன. மழைக் காலங்களில் டெங்கு நோயைக் கண்காணித்து முன்னெச்சரிக்கை நடவடிக்கை எடுக்கப்பட்டு வருகிறது.இதனால் டெங்கு காய்ச்சல் பாதிப்பு தமிழகத்தில் கட்டுப்படுத்தப்பட்டுள்ளது.

கொடைக்கானல் நகர் பகுதி, பண்ணைக்காடு பேரூராட்சி, பத்து கிராம ஊராட்சிகளில் 100 சதவீதம் கரோனா தடுப்பூசி செலுத்தப்பட்டுள்ளது.

கொடைக்கானலுக்கு வரும் சுற்றுலாப் பயணிகள் முகக்கவசம் அணியாமல் வந்தால் அந்தந்த பகுதிகளில் உள்ள வியாபாரிகள் சுற்றுலாப் பயணிகளை முகக்கவசம் அணிவதற்கு வலியுறுத்த வேண்டும் என்றார்.

பாருங்க:  நடிகர் கமல்ஹாசனின் கொரொனா கீதம் அறிவும், அன்பும் - யூடியூபில் ட்ரெண்டிங் வீடியோ
Continue Reading

Entertainment

மைக்கேல் மதனகாமராஜனுக்கு 31 ஆண்டுகள் நிறைவு

கடந்த 1990ம் ஆண்டு இதே நாளில் வெளியான படம் மைக்கேல் மதன காமராஜன். இந்த படத்தில் கமல்ஹாசன், குஷ்பு, ஊர்வசி, ரூபிணி, சந்தானபாரதி மற்றும் பலர் நடித்திருந்தனர்.

இந்த படத்தை சிங்கிதம் சீனிவாசராவ் இயக்கி இருந்தார். இப்படத்துக்கு இளையராஜா இசையமைத்திருந்தார்.

இப்படத்தில் இடம்பெற்ற பேர் வச்சாலும் வைக்காம பாடல் காலம் கடந்தாலும் இன்றும் சந்தானத்தின் புதிய படத்தில் ரீ மாஸ்டர் செய்யப்பட்டு இளசுகள் அனைவரையும் கவர்ந்துள்ளது.

4 சகோதரர்களையும் அவர்களை சார்ந்த கதையாகவும் இப்படத்தை காமெடியோடு இயக்கி இருந்தார். இப்படத்தில் அனைவரையும் தூக்கி சாப்பிட்டவர் பீமன் ரகு என்பவர். இவர் அப்போது வெளியான மஹாபாரதம் டிவி சீரியலில் நடித்து புகழ்பெற்றவர்.

இப்படம் இன்றுடன் 31 ஆண்டுகளை தொடுகிறது.

பாருங்க:  தூத்துக்குடி ஸ்டெர்லைட் ஆலையை திறக்க அனைத்து கட்சியும் ஒப்புதல்
Continue Reading

Trending