Connect with us

Entertainment

நடிகர் விமர்சகர் வெங்கட்சுபா மரணம்- நண்பர் சிவா உருக்கம்

தமிழ் சினிமாவில் நீண்ட நாட்களாக செயல்பட்டு வரும் ஒரு நிறுவனம் அம்மா கிரியேசன்ஸ். இந்த நிறுவனத்தின் தயாரிப்பாளர் அம்மா கிரியேசன்ஸ் சிவா இவரின் நண்பர் அம்மா கிரியேசன்ஸ் வெங்கட். இவர் நடிகர் மட்டுமல்லாது விமர்சகராகவும் டூரிங் டாக்கீஸ் யூ டியூப் சானலில் பணிபுரிந்தார். சில நாட்களாக கொரோனாவால் உடல் நலம் குன்றி இருந்த வெங்கட் நேற்று சிகிச்சை பலனளிக்காமல் உயிரிழந்துள்ளார். இவரது மறைவுக்கு அவரது நெருங்கிய நண்பர் அம்மா கிரியேசன்ஸ் சிவா வெளியிட்ட உருக்கமான இரங்கல்.

“வெங்கட்.. வெங்கட்.. வெங்கட் என் வாழ்நாளில் நான் அதிகம் அழைத்த நண்பனின் பெயர். 36 வருடங்கள், ஆயிரமாயிரம் நினைவுகள். எந்த எதிர்பார்ப்பும் இல்லாமல் வெற்றியிலும் தோல்வியிலும் உடன் இருந்தவன். அறிவாளி, எழுத்தாளன், படைப்பாளி, நடிகன், விமர்சகன் என ஒரு மினி சகலகலா வல்லவன். யார் சொல்லி கேட்காவிட்டாலும் நான் சொன்னால் கேட்பான். ஆனால் தடுப்பூசி போட்டுக்கொள்ளச்சொல்லி நான் சொல்லியும் ஊர் உறவு சொல்லியும் கேட்கவில்லை. அதுதான் ஆஜாணுபாகுவாக ஆரோக்யமாக இருந்த உன்னை கண்ணுக்கு தெரியாத ஒரு கிருமி எங்களிடமிருந்து பிரித்துவிட்டது மட்டுமல்ல உன் எதிர்கால படைப்புகளை, திட்டங்களை, கனவுகளையும் அழித்துவிட்டது.

சினிமா மீதுதான் எத்தனை காதல் உனக்கு. ஆதாயமே இல்லாமல் இதையே சுற்றி சுற்றி வந்து சேவை செய்தாய். நட்பே வாழ்க்கை என நண்பர்களை சுற்றியே வாழ்ந்தாய். நட்பும் தமிழ் சினிமாவும் என்றும் உன்னை மறவாது நண்பனே. கரோனாவுக்கு என் உடன்பிறந்த சகோதரணை பறிகொடுத்தேன். இன்று உடன்பிறவா சகோதரன் உன்னையும் பறிகொடுத்துவிட்டேன். வெங்கட், மறக்க முடியாதடா உன்னை. மன்னித்துவிடு வெங்கட்டா. இந்த கரோனாவை எதிர்த்து உன்னை காப்பாற்ற உன் மனைவியும், உறவுகளும் நண்பர்களும், நீ நேசித்த மொத்த தமிழ் சினிமாவும் உனக்காக அப்போலோ மருத்துவமனைக்கு தொடர்புகொண்டு போராடியது. ஆனாலும் உன்னை மீட்க முடியவில்லையடா வெங்கட். கரோனா காலத்திலும் கடுமையாக உழைத்துவிட்டாய் வெங்கட். தெய்வத்தின் திருவடியில் நீ இளைப்பாரு. உன்னை தினம் தொட்டு வணங்கிக்கொள்கிறேன்.

பாருங்க:  ஏப்ரல் 03 - கொரோனா பாதித்த மாவட்டங்களின் எண்ணிக்கை பட்டியல்

இவ்வாறு டி சிவா ” என கூறியுள்ளார்.

Entertainment

தீபாவளிக்கு மாநாடு கிடையாது

சிம்பு நடித்துள்ள மாநாடு படத்தை வெங்கட் பிரபு இயக்கியுள்ளார். இப்படம் வரும் நவம்பர் 4 தீபாவளி அன்று வெளியாகும் என்று எதிர்பார்க்கப்பட்ட நிலையில் வரும் தீபாவளிக்கு இப்படம் கிடையாது என அறிவிக்கப்பட்டுள்ளது.

தீபாவளிக்கு அண்ணாத்தே உள்ளிட்ட படங்கள் வெளியாவதால் இப்படம் வரும் நவம்பர் 25ம் தேதிக்கு மாற்றி வெளியிட திட்டமிட்டுள்ளதாக தயாரிப்பாளர் சுரேஷ் காமாட்சி கூறியுள்ளார்.

அவர் வெளியிட்டுள்ள அறிக்கை இதோ.

பாருங்க:  முதல்வர் ஸ்டாலினின் முதன்மை செயலாளராக உதயச்சந்திரன் நியமனம்
Continue Reading

Entertainment

டெங்கு பாதிப்பு இல்லை- சுகாதாரத்துறை செயலர்

வருடா வருடம் மழைக்காலம் ஆரம்பித்த உடன் இந்த அக்டோபர், நவம்பர் மாதங்களில் தீபாவளியை ஒட்டி டெங்கு காய்ச்சல் பாதிப்பு அதிகம் இருக்கும்.

இந்நிலையில் நேற்று கொடைக்கானல் வருகை புரிந்த சுகாதாரத்துறை செயலர் ராதாகிருஷ்ணன், அங்குள்ள அரசு மருத்துவமனையில் ஆய்வு நடத்தி விட்டு  நிருபர்களை சந்திக்கையில் கூறியதாவது.

தமிழகத்தில் 5 கோடியே 32 லட்சம் பேருக்கு கரோனா தடுப்பூசி செலுத்தப்பட்டுள்ளன. மழைக் காலங்களில் டெங்கு நோயைக் கண்காணித்து முன்னெச்சரிக்கை நடவடிக்கை எடுக்கப்பட்டு வருகிறது.இதனால் டெங்கு காய்ச்சல் பாதிப்பு தமிழகத்தில் கட்டுப்படுத்தப்பட்டுள்ளது.

கொடைக்கானல் நகர் பகுதி, பண்ணைக்காடு பேரூராட்சி, பத்து கிராம ஊராட்சிகளில் 100 சதவீதம் கரோனா தடுப்பூசி செலுத்தப்பட்டுள்ளது.

கொடைக்கானலுக்கு வரும் சுற்றுலாப் பயணிகள் முகக்கவசம் அணியாமல் வந்தால் அந்தந்த பகுதிகளில் உள்ள வியாபாரிகள் சுற்றுலாப் பயணிகளை முகக்கவசம் அணிவதற்கு வலியுறுத்த வேண்டும் என்றார்.

பாருங்க:  உங்ககிட்ட ரேஷன் கார்டு இல்லையானாலும் பரவாயில்லை! மகிழ்ச்சியான செய்தி!!
Continue Reading

Entertainment

மைக்கேல் மதனகாமராஜனுக்கு 31 ஆண்டுகள் நிறைவு

கடந்த 1990ம் ஆண்டு இதே நாளில் வெளியான படம் மைக்கேல் மதன காமராஜன். இந்த படத்தில் கமல்ஹாசன், குஷ்பு, ஊர்வசி, ரூபிணி, சந்தானபாரதி மற்றும் பலர் நடித்திருந்தனர்.

இந்த படத்தை சிங்கிதம் சீனிவாசராவ் இயக்கி இருந்தார். இப்படத்துக்கு இளையராஜா இசையமைத்திருந்தார்.

இப்படத்தில் இடம்பெற்ற பேர் வச்சாலும் வைக்காம பாடல் காலம் கடந்தாலும் இன்றும் சந்தானத்தின் புதிய படத்தில் ரீ மாஸ்டர் செய்யப்பட்டு இளசுகள் அனைவரையும் கவர்ந்துள்ளது.

4 சகோதரர்களையும் அவர்களை சார்ந்த கதையாகவும் இப்படத்தை காமெடியோடு இயக்கி இருந்தார். இப்படத்தில் அனைவரையும் தூக்கி சாப்பிட்டவர் பீமன் ரகு என்பவர். இவர் அப்போது வெளியான மஹாபாரதம் டிவி சீரியலில் நடித்து புகழ்பெற்றவர்.

இப்படம் இன்றுடன் 31 ஆண்டுகளை தொடுகிறது.

பாருங்க:  உங்ககிட்ட ரேஷன் கார்டு இல்லையானாலும் பரவாயில்லை! மகிழ்ச்சியான செய்தி!!
Continue Reading

Trending