சூப்பர் ஸ்டார் படத்துக்கு ஒன்றாக புறப்பட்ட மீனா, குஷ்பு

ரஜினியுடன் அன்புள்ள ரஜினிகாந்த் காலம் தொட்டே நடித்து வருபவர் நடிகை மீனா. அப்படத்தில் குழந்தை நட்சத்திரமாக நடித்தவர் வளர்ந்த பிறகு எஜமான், வீரா உள்ளிட்ட படங்களில் ரஜினிக்கு ஜோடியாக நடித்தார்.

அதே போல் குஷ்புவும் மன்னன், அண்ணாமலை, பாண்டியன் உள்ளிட்ட படங்களில் ரஜினிக்கு ஜோடியாக நடித்தார்.

நீண்ட இடைவேளைக்கு பிறகு இவர்கள் ரஜினிகாந்துடன் இணைந்து நடிக்கும் திரைப்படம் அண்ணாத்தே.

இப்படத்தின் படப்பிடிப்பு ஹைதராபாத் ராமோஜிராவ் பிலிம் சிட்டியில் நடந்து வருகிறது. இதில் கலந்து கொள்வதற்காக மீனா, குஷ்பு இருவரும் இணைந்து ஹைதராபாத் பயணமாகியுள்ளார்கள்.

இந்த புகைப்படத்தை இருவரும் வெளியிட்டுள்ளனர்.