ரஜினிகாந்த் பிறந்த நாள் குவியும் வாழ்த்து

இன்று நடிகர் ரஜினிகாந்தின் 70வது பிறந்த நாள் கொண்டாடப்படுகிறது. அதையொட்டி பல சினிமா மற்றும் அரசியல் பிரபலங்கள் அவருக்கு தனது வாழ்த்துக்களை தெரிவித்து வருகின்றனர்.

ரஜினிகாந்த் இயக்குனர் பாலச்சந்தரின் அபூர்வ ராகங்கள் படத்தின் மூலம் தமிழுக்கு அறிமுகமானவர்.ஆரம்ப கால படங்களில் இவர் சுமாரான நடிகர் போல தெரிந்தாலும் தனது திறமையை வளர்த்துக்கொண்டு வித்தியாசமாக ஸ்டைலாக நடிக்க ஆரம்பித்தார்.

பைரவி என்ற படத்தில் ரஜினிகாந்துக்கு சூப்பர் ஸ்டார் அந்தஸ்து கிடைத்தது. தனது ஆன்மிக குருவான ராகவேந்திரர் படத்தில் ராகவேந்திரர் வேடத்தை ஏற்று தைரியமாக அழகாக இயல்பாக நடித்தவர் ரஜினிகாந்த்.

ப்ளட் ஸ்டோன் என்ற  ஹாலிவுட் படத்தில் அப்போதே நடித்தவர் ரஜினி. எங்கேயோ கேட்ட குரல், ஆறிலிருந்து அறுபது வரை உள்ளிட்ட கதையம்சமுள்ள படங்களில் ஸ்டைலை தவிர்த்து விட்டு அழகாக நடித்தார்.

மாவீரன் , வள்ளி உள்ளிட்ட படங்களையும் சொந்தமாக தயாரித்தவர் ரஜினி. தயாரித்த வகையில் ரஜினிக்கு பெரிய பெயர் எதுவும் இல்லை.

ராஜாதி ராஜா, மாப்பிள்ளை,தர்மதுரை, தர்மத்தின் தலைவன், மாப்பிள்ளை, படையப்பா, சிவாஜி படம் வரை செம மாஸ் காட்டி நடித்தவர் ரஜினிகாந்த்.

விரைவில் அவர் கட்சி ஆரம்பிக்க இருக்கும் நிலையில் அவர் வெற்றி பெற வாழ்த்துகிறோம்.