Connect with us

Latest News

ஓமைக்ரான் வைரஸ்- பரிசோதனைகளை அதிகப்படுத்த மத்திய சுகாதார அமைச்சகம் உத்தரவு

கரோனா வைரஸின் மரபணு மாறி புதிய வகை வைரஸ்கள் உருவாகி வருகின்றன. அந்த வகையில் தென்னாப்பிரிக்காவில் ஒமைக்ரான் என்ற புதிய வகை கரோனா வைரஸ் அண்மையில் கண்டறியப்பட்டது. ஒரு வாரத்துக்குள் அந்த வைரஸ் சுமார் 16 நாடுகளுக்கு பரவியுள்ளது. இது உலகம் முழுவதும் புதிய கரோனா அலையை ஏற்படுத்தக்கூடும் என்று உலக சுகாதார அமைப்பு எச்சரித்துஉள்ளது.

இந்த சூழலில் ஒமைக்ரான் வைரஸ் தடுப்பு நடவடிக்கை குறித்து மத்திய சுகாதாரத் துறை செயலாளர் ராஜேஷ் பூஷண் தலைமையில் நேற்று காணொலி வாயிலாக உயர்நிலை ஆலோசனை கூட்டம் நடைபெற்றது. இதில் மாநில சுகாதார துறை செயலாளர்கள், மத்திய அரசு துறைகளின் மூத்த அதிகாரிகள் பங்கேற்றனர்.
கூட்டத்தில் மத்திய சுகாதாரத் துறை செயலாளர் ராஜேஷ் பூஷண் கூறியதாவது:

விமான நிலையங்கள், துறைமுகங்கள், சாலை மார்க்கமாக வெளி நாடுகளில் இருந்து இந்தியாவுக்குள் வருவோரை பரிசோதிக்க வேண்டும். குறிப்பாக ஒமைக்ரான் வைரஸ் பரவும் நாடுகளில் இருந்து வரும் பயணிகளுக்கு கரோனா பரிசோதனை நடத்த வேண்டும். 8 நாட்கள் தனிமைக்குப் பிறகு அவர்களுக்கு மீண்டும் பரிசோதனை செய்ய வேண்டும்.

விமான நிலையத்தில் கரோனா பரிசோதனைக்கு தனி இடம் ஒதுக்க வேண்டும். அங்கு பயணிகளுக்கு ஆர்டிபிசிஆர் கரோனா பரிசோதனை நடத்த வேண்டும். பரிசோதனை முடிவு வரும் வரை பயணிகள் அங்கேயே காத்திருக்க வேண்டும். கரோனா தொற்று உறுதி செய்யப்பட்டவர்களின் மாதிரிகளை இந்திய கரோனா மரபியல் கூட்டமைப்பு (இன்சாகாக்) ஆய் வகங்களுக்கு அனுப்ப வேண்டும்.

பாருங்க:  ஹீரோவாக களமிறங்கும் கோமாளி இயக்குனர்

அனைத்து மாநில அரசுகளும் பரிசோதனை உள்கட்டமைப்புகளை வலுப்படுத்த வேண்டும். ஏதாவது ஒரு பகுதியில் கரோனா பரவல் அதிகரித்தால் அந்தப் பகுதியை சீல் வைக்க வேண்டும். அங்கு சேகரிக்கப்படும் மாதிரிகளை இன்சாகாக் ஆய்வகங்களுக்கு அனுப்ப வேண்டும்.

ஒமைக்ரான் வைரஸ் பரவும் நாடுகளில் இருந்து வந்த பயணிகளை வீட்டில் தனிமைப்படுத்த வேண்டும். அவர்களின் வீடுகளை தீவிரமாக கண்காணிக்க வேண்டும். 8-வது நாள் கரோனா பரிசோதனைக்குப் பிறகு அவர்களுக்கு நேரடியாக மருத்துவ பரிசோதனை நடத்த வேண்டும்.

மருத்துவமனைகளில் அவசர சிகிச்சை பிரிவு, ஆக்சிஜன் படுக்கை, வெண்ட்டிலேட்டர்களை தயார் நிலையில் வைத்திருக்க வேண்டும். புதிதாக அமைக்கப்படும் ஆக்சிஜன் ஆலைகளை விரைந்து பயன்பாட்டுக்கு கொண்டு வர வேண்டும். ஆக்சிஜன் சிலிண்டர்கள், மருந்து, மாத்திரைகளை தங்கு தடையின்றி கொண்டு செல்ல நடவடிக்கை எடுக்க வேண்டும். இவ்வாறு அவர் தெரிவித்தார்.

100% தடுப்பூசி இலக்கு

கூட்டத்தில் நிதி ஆயோக் உறுப்பினர் வி.கே.பால் பேசும்போது, “கரோனா தடுப்பு பணியில் இந்தியா நிபுணத்துவம் பெற்றுள்ளது. நம்முடைய அறிவு, அனுபவத்தை பயன்படுத்தி ஒமைக்ரான் வைரஸ் இந்தியாவில் நுழைவதை தடுக்க வேண்டும். கரோனா தடுப்பு நடவடிக்கைகளை அனைத்து தரப்பு மக்களும் கண்டிப்புடன் பின்பற்ற வேண்டும். அனைத்து தரப்பு மக்களும் தயக்கமின்றி தடுப்பூசி செலுத்திக் கொள்ள வேண்டும். இதை கருத்தில் கொண்டு தீவிர தடுப்பூசி இயக்கம் வரும் 31-ம் தேதி வரை நீட்டிக்கப்பட்டுள்ளது. 100 சதவீதம் அளவுக்கு முதல் தவணை தடுப்பூசி செலுத்த இலக்கு நிர்ணயித்துள்ளோம். 2-ம் தவணை தடுப்பூசியில் பின்னடைவு காணப்படுகிறது. மாநில அரசுகள் 2-ம் தவணை தடுப்பூசி செலுத்துவதில் அதிக அக்கறை செலுத்த வேண்டும்” என்று தெரிவித்தார்.

பாருங்க:  தனுஷ் நடிக்கும் ஆங்கில படத்தின் அப்டேட்

இந்திய மருத்துவ ஆராய்ச்சி கவுன்சில் தலைவர் பல்ராம் பார்கவா கூட்டத்தில் பேசும்போது, “ஆர்டிபிசிஆர் பரிசோதனை, விரைவு பரிசோதனை (ஆர்ஏடி) மூலம் ஒமைக்ரான் வைரஸை கண்டறியலாம். எனவே அனைத்து மாநில அரசுகளும் பரிசோதனைகளை அதிகரிக்க வேண்டும். குறிப்பாக ஒமைக்ரான் வைரஸ் பரவும் நாடுகளில் இருந்து வரும் பயணிகளுக்கு கண்டிப்பாக கரோனா பரிசோதனை நடத்த வேண்டும்” என்று தெரிவித்தார்.

கரோனா தடுப்பு விதிகள் நீட்டிப்பு

இதனிடையே இந்தியாவில் தற்போது நடைமுறையில் இருக்கும் கரோனா தடுப்பு விதிமுறைகளை வரும் டிசம்பர் 31-ம் தேதி வரை நீட்டித்து மத்திய உள்துறை அமைச்சகம் நேற்று உத்தரவிட்டது.

இதுதொடர்பாக அந்த அமைச்சகம் வெளியிட்டுள்ள அறிக்கையில் கூறியிருப்பதாவது:

ஆப்பிரிக்காவின் சில நாடுகளில் பரவும் ஒமைக்ரான் வைரஸ் தொடர்பாக மத்திய சுகாதாரத் துறை சார்பில் கடந்த 25-ம் தேதி அனைத்து மாநில அரசுகளுக்கும் வழிகாட்டு நெறிகள் அனுப்பப்பட்டுள்ளன. குறிப்பாக வெளிநாட்டு பயணிகளை பரிசோதிக்க வேண்டும். அவர்களின் நடமாட்டத்தை கண்காணிக்க வேண்டும்.

வெளிநாட்டு பயணிகளுக்கு கரோனா தொற்று உறுதி செய்யப்பட்டால் அவர்களின் மாதிரிகளை இன்சாகாக் ஆய்வகங்களுக்கு அனுப்ப வேண்டும். கரோனா தடுப்பு விதிகள் வரும் டிசம்பர் 31-ம் தேதி வரை நீட்டிக்கப்படுகிறது. சுகாதாரத் துறை அறிவுறுத்தியுள்ள புதிய வழிகாட்டு நெறிமுறைகளை எவ்வித சமரசமும் இல்லாமல் கண்டிப்புடன் பின்பற்ற வேண்டும்.

இவ்வாறு அறிக்கையில் தெரிவிக்கப்பட்டுள்ளது.

இந்தியாவில் ஒமைக்ரான் வைரஸ் பாதிப்பு கண்டறியப்படவில்லை என்று மத்திய சுகாதாரத் துறை அமைச்சர் மன்சுக் மாண்டவியா தெரிவித்துள்ளார். அந்த வைரஸ் இந்தியாவில் நுழைந்தால் 3-வது அலை ஏற் படும் என்று அஞ்சப்படுவதால் ஆரம்பத்திலேயே அந்த வைரஸ் ஒழிப்பு நடவடிக்கைகளில் மத்திய அரசு தீவிரம் காட்டி வருகிறது.

பாருங்க:  ராஜஸ்தானில் ஓமைக்ரான் தொற்று

Entertainment

32 ஆண்டுகளாக குற்றம் செய்த இருவரை இன்று வரை தீவிரமாக தேடி வரும் போலீஸ்

கோவையைச் சேர்ந்த சீனியப்பன் என்பவர் காய்கறி வியாபாரம் செய்து வருகிறார். இவர், கடந்த 1990-ம் ஆண்டு மார்ச் மாதம்26-ம் தேதி தனது  வியாபாரத்தை முடித்துக் புறப்படுகையில் ரூ.35 ஆயிரத்தை தனது கைப்பையில் வைத்துக் கொண்டு வந்து கொண்டிருந்தார்.வாகனத்தில் தனது பணத்தை வைத்து ஸ்வாமி கும்பிட்டு கொண்டிருக்கையில்

அப்போது அவரது வாகனத்தை திருட இருவர் முயன்றனர். இதை தடுக்க முயன்ற சீனியப்பனை, அந்நபர்கள் துப்பாக்கியால் சுட்டுவிட்டு, பணத்துடன், இருசக்கர வாகனத்தையும் திருடிக் கொண்டு தப்பினர்.

சீனியப்பனுக்கு தோளில் காயம் ஏற்பட்ட நிலையில் புகாரின் பேரில் கடைவீதி போலீஸார் வழக்கு பதிந்து விசாரித்து, இலங்கையின் மட்டகளப்பு பகுதியைச் சேர்ந்த லீமா என்ற மகேந்திரன் (அப்போதைய வயது 25), கொடிக்கம்பம் பகுதியைச் சேர்ந்த ராஜ் என்ற ஆனந்தராஜ் (அப்போதைய வயது28) ஆகியோரை கைது செய்தனர்.

இருவர் மீதும் கடந்த 25.06.1991-ல் நீதிமன்றத்தில் குற்றப்பத்திரிகை தாக்கல் செய்யப்பட்டது. கடந்த28.07.1992-ல் ஜாமீனில்  சென்ற இருவரும், அதன் பின்னர் ஆஜராகவில்லை. இவர்களுக்கு ஜாமீன் உறுதி அளித்தவர்களும், போலி முகவரியை அளித்து உள்ளனர்.

எனவே, இருவருக்கும் பிடியாணை பிறப்பித்து நீதிபதி உத்தரவிட்டார். இது தற்போது வரை நிலுவையில் உள்ளது. இருவரது விவரம் தெரிந்தவர்கள் காவல் துறையிடம் தகவல் தெரிவிக்கலாம். இவ்வாறு அதில் தெரிவிக்கப்பட்டுள்ளது.

 

பாருங்க:  வனத்துறை அமைச்சர் சீனிவாசன் ஆஸ்பத்திரியில் அனுமதி
Continue Reading

Latest News

வரும் வாரங்களில் ஊரடங்கு இருக்குமா?

கடந்த சில நாட்களாக கொரோனா வேகமாக பரவி வருவதால் வெள்ளி சனி ஞாயிறு நாட்களில் அனைத்து கோவில்களும் அடைக்கப்பட்டுள்ளது.

ஞாயிற்றுக்கிழமை ஊரடங்கும் அறிவிக்கப்பட்டுள்ளது. இன்றும் ஞாயிற்றுகிழமையாதலால் கடைகள் அடைக்கப்பட்டு ஊரடங்கு கடை பிடிக்கப்படுகிறது.

எனினும் வரும் வாரங்களில் கொரோனா பரவி வருவதை பொறுத்து ஊரடங்கு குறைக்கப்படும் என சுகாதாரத்துறை அமைச்சர் மா.சுப்ரமணியன் தெரிவித்துள்ளார்.

பாருங்க:  ராஜஸ்தானில் ஓமைக்ரான் தொற்று
Continue Reading

Latest News

மதமாற்றத்தால் பள்ளி மாணவி தற்கொலையா- தமிழக டிஜிபிக்கு தேசிய மனித உரிமை ஆணையம் கடிதம்

தஞ்சாவூரில் தனியார் பள்ளி மாணவியை மதம் மாற வற்புறுத்தியதால், அவர் தற்கொலை செய்து கொண்டதாக குற்றச்சாட்டு எழுந்துள்ளது. இவ்விவகாரம் தொடர்பாக, தேசிய குழந்தைகள் உரிமைகள் ஆணையத் தலைவர் பிரங்க் கனூங்கோ, தமிழக டிஜிபிக்கு கடிதம் எழுதியுள்ளார்.

அதில் கூறியிருப்பதாவது: ஜன.20-ம் தேதி எங்களுக்கு வந்த புகார் ஒன்றில் தஞ்சை மாவட்டம் திருக்காட்டுப்பள்ளியை அடுத்த மைக்கேல்பட்டியில் உள்ள தனியார் பள்ளியில் மாணவ – மாணவியரை சட்டவிரோதமாக மத மாற்றத்தில் ஈடுபடுத்துவதாக குறிப்பிடப்பட்டிருந்தது.

மதம் மாற்றத்தை ஏற்க மறுக்கும் மாணவ – மாணவியரை பள்ளி நிர்வாகம் உளவியல்ரீதியாக சித்திரவதைக்கு உள்ளாக்கி, அவர்களை தற்கொலைக்கு தூண்டுவதாகவும் எங்களுடைய கவனத்துக்கு கொண்டு வரப்பட்டுள்ளது.

உரிமை மீறலா?

மேலும், அப்பள்ளியில் பயிலும் அரியலூர் மாவட்டத்தைச் சேர்ந்த பிளஸ் 2 மாணவி ஒருவர், மதம் மாற மறுப்பு தெரிவித்ததால் அவரை வீட்டுக்கு அனுப்பாமல் கழிப்பறையை சுத்தம் செய்ய வைத்தும், பாத்திரங்களை கழுவசொல்லியும் தண்டனை வழங்கியதால் ஏற்பட்ட மன உளைச்சலில் அம்மாணவி பூச்சி மருந்தைக்குடித்து தற்கொலைக்கு முயன்றசம்பவம் எங்களுடைய கவனத்துக்கு வந்துள்ளது. பெறப்பட்ட புகாரின் அடிப்படையில் அப்பள்ளி நிர்வாகம் குழந்தைகளுக்கு எதிரான உரிமை மீறல்களில்ஈடுபட்டுள்ளதாக குற்றம்சாட்டப்பட்டுள்ளது.

7 நாட்களுக்குள் அறிக்கை

இந்நிலையில், சம்பந்தபட்ட தனியார் பள்ளி நிர்வாகம் மீது உரிய விசாரணை நடத்தி, குழந்தைகளின் உரிமைகளை காப்பதற்கு தேவையான நடவடிக்கைகளை மேற்கொள்ள வேண்டும்.

பாதிக்கப்பட்ட பள்ளி மாணவ – மாணவியரிடம் புகாரைப் பெற்று அதன் அடிப்படையில் வழக்குப் பதிவுசெய்ய வேண்டும். மேலும் அதன்மீது எடுக்கப்பட்ட நடவடிக்கைகள் குறித்து 7 நாட்களுக்குள் அறிக்கையாக ஆணையத்துக்கு அனுப்ப வேண்டும்.

பாருங்க:  புதிய காப்பிரைட்ஸ் பிரச்சினையில் மாநாடு படக்குழுவினர்

இவ்வாறு அந்த கடிதத்தில் கூறப்பட்டுள்ளது.

Continue Reading

Trending