கொரோனாவுக்கு நிதி கொடுத்தால் என்னோடு நடிக்கலாம்! அறிவித்த சூப்பர் ஸ்டார் நடிகர்!

599

கொரோனாவால் பாதிக்கப்பட்டவர்களுக்கு உதவும் வகையில் நிதி கொடுத்தால் தன்னுடைய அடுத்தப் படத்தில் நடிக்கலாம் என ஹாலிவுட் சூப்பர் ஸ்டார் லியானார்டோ டி காப்ரியோ தெரிவித்துள்ளார்.

உலகிலேயே கொரோனா வைரஸால் அதிகமாக பாதிக்கப்பட்டுள்ள நாடாக அமெரிக்கா உள்ளது. அங்கு இதுவரை கிட்டதட்ட 7 லட்சம் பேர் வரை பாதிக்கப்பட்டு 35,000 பேர் வரை உயிரிழந்துள்ளனர். இந்நிலையில் கொரோனாவால் பாதிக்கப்பட்டவர்களுக்கு உதவும் வகையில் நிதி திரட்டி வருகிறது அமெரிக்கா.

இந்நிலையில் நடிகர் லியானார்டோ டி காப்ரியோ வித்தியாசமான முறையில் நிதி திரட்ட முடிவு செய்துள்ளார். அவரது இன்ஸ்டாகிராம் பக்கத்தில் ’மார்ட்டின் ஸ்கோர்செஸி இயக்கும் ‘கில்லர்ஸ் ஆப் தி பிளவர் மூன்’ என்ற படத்தில் நானும் ராபர்ட் டி நீரோவும் நடித்து வருகிறோம். கொரோனாவுக்காக நிவாரணம் வழங்குபவர்கள் எங்கள் படத்தில் சிறிய கதாபாத்திரத்தில் நடிக்கலாம், நாள் முழுவதும் படப்பிடிப்பு தளத்தில் எங்களோடு இருக்கலாம். படத்தின் சிறப்பு காட்சியில் பங்கேற்கவும் அனுமதிக்கப்படுவார்கள்’ என்று தெரிவித்துள்ளார்.

பாருங்க:  இன்று ஒரே நாளில் 168 பேர்! கொரோனா எண்ணிக்கை அதிகமாகும் அரியலூர்!