Connect with us

Corona (Covid-19)

8000 காவலர்களும் உடனே பணியில் சேரவேண்டும்! தமிழக அரசு அதிரடி உத்தரவு!

தமிழக காவல்துறைக்காக தேர்வு செய்யப்பட்டு பயிற்சியில் ஈடுபட்டு வந்த  8000க்கும் மேற்பட்டவர்கள் உடனடியாக பணியில் சேரவேண்டும் என தமிழக அரசு உத்தரவிட்டுள்ளது.

தமிழகத்தில் மொத்தமாக கொரோனா வைரஸால் இதுவரை 1,885 பேர் பாதிக்கப்பட்டுள்ளனர். 800க்கும் மேற்பட்டவர்கள்  சிகிச்சையில் குணமாகி வீட்டுக்கு திருப்பி விட்ட நிலையில் தற்போது 800க்கும் மேற்பட்டவர்கள் சிகிச்சை பெற்று வருகின்றனர். தமிழகத்திலேயே அதிகமான பாதிப்பு தலைநகரான சென்னையில்தான் உள்ளது. அங்கு இதுவரை 500க்கும் மேற்பட்டவர்கள் கொரோனாவால் பாதிக்கப்பட்டுள்ளனர்.

இந்நிலையில், தமிழக காவல்துறையில் ஏற்கனவே தேர்வாகி பயிற்சியில் இருக்கும் காவலர்கள் உடனடியாக பணியில் சேர தமிழக அரசு உத்தரவிட்டுள்ளது. பயிற்சியில் இருக்கும் 8538 பேரும் மே 3ம் தேதிக்குள் பணியில் சேர வேண்டும்  என அதில் குறிப்பிடப்பட்டுள்ளது.  மேலும் காவலர்கள் பணியில் அமர்த்தப்படுவார்கள் என்றும் எதிர்பார்க்கப்படுகிறது. புதிதாகப் பணியில் சேருவதற்கு முன்பாக 8538 பேருக்கும் சுவாச பிரச்சினை மற்றும் காய்ச்சல் பரிசோதனை செய்வது கட்டாயம் என்ற உத்தரவும் அதில் குறிப்பிடப்பட்டுள்ளது.

ஊரடங்கு மேலும் சில வாரங்களுக்கு நீட்டிக்கப்படலாம் என எதிர்பார்க்கப்படுகிறது. இதனால் ஊரடங்கு பணிகளைக் கவனிக்க இன்னும் அதிக போலிஸார் தேவையென்ற சூழல் உருவாகியுள்ளது. இப்போது பணியில் இருப்பவர்களும் ஓய்வு ஒழிச்சல் இன்றி வேலை செய்து வருகின்றனர்.

பாருங்க:  கொரோனா பரவலைத் தடுக்க அமிதாப் பச்சன் செய்த செயல் – ரசிகர்களுக்கும் வேண்டுகோள் !

Corona (Covid-19)

கோவையில் கொரோனா கூடுதல் கட்டுப்பாடுகள்

தமிழ்நாட்டில் மூன்று மாதங்களுக்கு முன் இருந்த கொரோனா பரவல் ஓரளவு தற்போது கட்டுக்குள் வந்து விட்டாலும் பெரும்பாலான இடங்களில் சின்ன சின்ன கட்டுப்பாடுகள் தொடர்கிறது. முக்கியமாக இந்த முறை கோவை மாவட்டத்தில்தான் கொரோனா பரவல் அதிகம் இருந்தது.

தற்போது பல மாவட்டங்களில் கொரோனா குறைந்து இருந்தாலும், பக்கத்து மாநிலமாக கேரளா கோவைக்கு மிக அருகில் இருப்பதால் கேரளாவில் ஏற்பட்டிருக்கும் கடுமையான தொற்று கோவைக்கும் லேசாக பரவி அதிகரிக்கிறது.

இந்த நிலையில் ஞாயிற்றுக்கிழமைகளில் அத்தியாவசிய பொருட்கள் கடைகளை மட்டும் திறக்க அனுமதி அளிக்கப்பட்டுள்ளது.

உணவகங்கள் பேக்கரிகளில் காலை  8 மணி முதல் இரவு 10 மணி வரை பார்சல் சேவைக்கு அனுமதி.

மளிகை , பால்கடைகள் தவிர மற்ற கடைகள் இயங்க அனுமதி மறுக்கப்பட்டுள்ளது.

பாருங்க:  கொரோனா பற்றி கவுண்டமணியின் டுவிட்டர் பதிவு
Continue Reading

Corona (Covid-19)

கொரோனா மரணங்கள்- வழிகாட்டு நெறிமுறை வெளியிட்ட உச்சநீதிமன்றம்

கொரோனாவால் பாதிக்கப்பட்டவர் 30 நாட்களுக்குள் உயிரிழந்தால் அது கொரோனா உயிரிழப்பாக கருதப்படும் என மத்திய சுகாதாரத்துறை மற்றும் ஐ.சி.எம்.ஆர் தெரிவித்துள்ளது.

இந்தியாவில் கொரோனா பாதிக்கப்பட்டு உயிரிழப்பவர்களின் மரணம் கொரோனா மரணமாக எடுத்துக்கொள்ளப்படாமல், உரிய இழப்பீடு இறந்தவர் குடும்பங்களுக்கு வழங்கப்படுவதில்லை என கொரோனா உயிரிழப்பிற்கான வழிகாட்டு நெறிமுறைகளையும், உயிரிழப்போருக்கு ரூ.4 லட்சம் இழப்பீடு வழங்கவும் கோரி உச்சநீதிமன்றத்தில் வழக்கறிஞர்கள் தீபக் பன்சால் மற்றும் கவ்ரவ் பன்சால் வழக்கு தொடர்ந்திருந்தனர்.

இவ்வழக்கிற்கு பதிலளித்துள்ள இந்திய மருத்துவ ஆராய்ச்சி கழகம் மற்றும் மத்திய சுகாதாரத்துறை அமைச்சகம், ஆர்.டி.பி.சி.ஆர். பரிசோதனை, மரபணு பரிசோதனை, அண்டிஜென் பரிசோதனை ஆகிய பரிசோதனைகளால் ஒருவருக்கு தொற்று உறுதி செய்யப்பட்டோ அல்லது தக்க மருத்துவர் சிகிச்சையின் போது உயிரிழந்ததாக சான்றளித்தாலோ அது கொரோனா உயிரிழப்பாக எடுத்துகொள்ளப்படும் என்று தெரிவிக்கப்பட்டுள்ளது.

மேலும், பெருந்தொற்றினால் உயிரிழப்பவர்களில் 95% பேர் 25 நாட்களுக்குள் உயிரிழந்துவிடுவதாக ஆய்வுகள் கூறினாலும், 30 நாட்களுக்குள் ஏற்படும் மரணம் கொரோனா மரணமாக எடுத்துக்கொள்ளப்படும் என்றும், அவர் 30 நாட்களுக்குள் மருத்துவமனையிலிருந்து வெளியே சென்றிருந்தாலும் அது கொரோனா உயிரிழப்பாக கருதப்படும் என்றும் அறிவிக்கப்பட்டுள்ளது.

அதுமட்டுமின்றி, கொரோனா பாதித்த நபர் நஞ்சு உட்கொண்டோ, தற்கொலை, கொலை, விபத்து இவற்றினால் உயிரிழப்பு நேர்ந்தால் அம்மரணம் கொரோனா மரணமாக எடுத்துக்கொள்ளப்படமாட்டாது என்று அப்பதில் மனுவில் தெரிவிக்கப்பட்டுள்ளது.

பாருங்க:  8 மாவட்டங்களில் இன்று கனமழை - வானிலை மையம் அறிவிப்பு
Continue Reading

Corona (Covid-19)

மூன்றாவது அலை வருமா என்று தெரியாது- சுகாதாரத்துறை செயலர்

சுகாதாரத்துறை செயலர் ராதா கிருஷ்ணன் இன்று செய்தியாளர்களை சந்தித்தார் அப்போது அவர் கூறியது.

தமிழ்நாடு முழுவதும் ஒருவார காலம் தீவிரமாக கொரோனா விழிப்புணர்வு பிரச்சாரம் மேற்கொள்ளப்படும்; 25% படுக்கைகள் குழந்தைகளுக்காக அமைக்கப்பட்டுள்ளது –

பொதுமக்கள் ஒத்துழைத்தால் மட்டுமே கொரோனா தொற்றில் இருந்து மீண்டு வர முடியும்; கொரோனா 3வது அலை வருமா என்பது உறுதியாக தெரியாவிட்டாலும் அதை தடுக்க நடவடிக்கை தீவிரப்படுத்தப்பட்டுள்ளதாக தெரிவித்தார்.
கூடுதல் பாதிப்பு ஏற்படும் பகுதிகள் தொடர்ந்து கண்காணிக்கப்படும் கூடுதலாக பாதிப்பு ஏற்படும் பகுதிகளில் தடுப்பூசியை அதிகரிக்க நடவடிக்கை எடுக்கப்பட்டுள்ளதாக சுகாதாரத்துறை செயலர் கூறினார்.

பாருங்க:  நிவர் புயல் காரணமாக 7 மாவட்ட பேருந்து சேவை நிறுத்தம்
Continue Reading

Trending