Connect with us

Corona (Covid-19)

8000 காவலர்களும் உடனே பணியில் சேரவேண்டும்! தமிழக அரசு அதிரடி உத்தரவு!

தமிழக காவல்துறைக்காக தேர்வு செய்யப்பட்டு பயிற்சியில் ஈடுபட்டு வந்த  8000க்கும் மேற்பட்டவர்கள் உடனடியாக பணியில் சேரவேண்டும் என தமிழக அரசு உத்தரவிட்டுள்ளது.

தமிழகத்தில் மொத்தமாக கொரோனா வைரஸால் இதுவரை 1,885 பேர் பாதிக்கப்பட்டுள்ளனர். 800க்கும் மேற்பட்டவர்கள்  சிகிச்சையில் குணமாகி வீட்டுக்கு திருப்பி விட்ட நிலையில் தற்போது 800க்கும் மேற்பட்டவர்கள் சிகிச்சை பெற்று வருகின்றனர். தமிழகத்திலேயே அதிகமான பாதிப்பு தலைநகரான சென்னையில்தான் உள்ளது. அங்கு இதுவரை 500க்கும் மேற்பட்டவர்கள் கொரோனாவால் பாதிக்கப்பட்டுள்ளனர்.

இந்நிலையில், தமிழக காவல்துறையில் ஏற்கனவே தேர்வாகி பயிற்சியில் இருக்கும் காவலர்கள் உடனடியாக பணியில் சேர தமிழக அரசு உத்தரவிட்டுள்ளது. பயிற்சியில் இருக்கும் 8538 பேரும் மே 3ம் தேதிக்குள் பணியில் சேர வேண்டும்  என அதில் குறிப்பிடப்பட்டுள்ளது.  மேலும் காவலர்கள் பணியில் அமர்த்தப்படுவார்கள் என்றும் எதிர்பார்க்கப்படுகிறது. புதிதாகப் பணியில் சேருவதற்கு முன்பாக 8538 பேருக்கும் சுவாச பிரச்சினை மற்றும் காய்ச்சல் பரிசோதனை செய்வது கட்டாயம் என்ற உத்தரவும் அதில் குறிப்பிடப்பட்டுள்ளது.

ஊரடங்கு மேலும் சில வாரங்களுக்கு நீட்டிக்கப்படலாம் என எதிர்பார்க்கப்படுகிறது. இதனால் ஊரடங்கு பணிகளைக் கவனிக்க இன்னும் அதிக போலிஸார் தேவையென்ற சூழல் உருவாகியுள்ளது. இப்போது பணியில் இருப்பவர்களும் ஓய்வு ஒழிச்சல் இன்றி வேலை செய்து வருகின்றனர்.

பாருங்க:  என்னம்மா இப்படி பன்றீங்களேம்மா! கொரோனா வைரஸோடு ஊர் சுற்றிய பெண் !

Corona (Covid-19)

கொரோனாவால் இறந்தவரின் குடும்பத்துக்கு 5000 உதவி- கேரள முதல்வர்

மற்ற மாநிலங்களை விட கேரளாவில்தான் அதிகம் கொரோனா தொற்று பரவியது. மற்ற மாநிலங்களில் கொரோனா தொற்று வேகமாக குறைந்தபோதிலும் கேரளாவில் மட்டும் ஏதோ கேரளா இந்தியாவை விட்டு தனித்து இருப்பதுபோல் கொரோனா குறையாமலே இருந்து வந்தது.

இந்த நிலையில் தற்போது கேரளாவில் கொரோனா குறைந்திருக்கிறது.

இந்நிலையில் கேரள முதல்வர் பினராயி விஜயன் தனது அறிவிப்பில் கூறி இருப்பதாவது, கொரோனாவில் இறந்தவர்களின் குடும்பங்களில் இறந்தவர் குடும்பத்துக்கு வருமானம் ஈட்டித்தந்த நபராக இருந்தால் அவரது குடும்பத்துக்கு மாதம் 5000 ரூபாய் மூன்று வருடங்களுக்கு வழங்கப்படும் என தெரிவித்துள்ளார்.

இந்த அறிவிப்பு வரவேற்பு பெற்றுள்ளது.

பாருங்க:  கொரோனா நிவாரணம்… குடும்ப அட்டைதாரர்களுக்கு 1000 ரூபாய் – முதல்வர் அறிவிப்பு !
Continue Reading

Corona (Covid-19)

தடுப்பூசி போடுவதை ஹிந்தி சேனலில் காட்ட சொன்ன நரிக்குறவர்

கொரோனா இரண்டாவது அலைக்கு பின்னர் தடுப்பூசி போடும் பணி வேகமெடுத்துள்ளது. தடுப்பூசி போடாத இடங்களில் சுகாதாரத்துறையினர் தடுப்பூசி போட சொல்லி வற்புறுத்தி வருகின்றனர்.

இந்த நிலையில் அமைச்சர் மா.சுப்ரமணியன் ஒவ்வொரு ஏரியாவாக சென்று தடுப்பூசி போட சொல்லி வலியுறுத்தி வருகின்றார்.

இன்று அதிகாலை சென்னை மெரினாவில் நரிக்குறவர்களுக்கு தடுப்பூசி போடப்பட்டது. அப்போது ஒரு நரிக்குறவர் இவ்வாறு கூறினாராம்.

எங்களுக்கு தடுப்பூசி போடுவதை இந்தி தொலைக்காட்சியில் காட்டச்சொல்லுங்கள்,எங்களூரில் ( மகாராஷ்ட்ரா)எல்லோரும் போட்டுக்கொள்ளட்டும்”என்றாராம்.

இதை சுகாதாரத்துறை அமைச்சர் மா.சுப்ரமணியம் தனது பக்கத்தில் பகிர்ந்துள்ளார்.

பாருங்க:  ஏப்ரல் 15 – கொரோனா பாதித்த மாவட்டங்களின் எண்ணிக்கை பட்டியல்
Continue Reading

Corona (Covid-19)

திருப்பத்தூர் மாவட்டத்தில் கொரோனா ஊசி போட்டுக்கொள்ள போலீசார் வீடு வீடாக சென்று அறிவுறுத்தல்

திருப்பத்தூர் மாவட்டத்தில் மெகா தடுப்பூசி முகாம் நேற்று நடைபெற்றது. இதில் 485 வாக்குச்சாவடி மையங்களிலும், 100 நடமாடும் தடுப்பூசி மையம் அமைக்கப்பட்டிருந்தது. இந்நிலையில் திருப்பத்தூர் மாவட்டத்தில் உள்ள அனைத்து பகுதிகளிலும் உள்ள மக்களிடம் போலீசார் தடுப்பு ஊசி செலுத்தி கொள்ள விழிப்புணர்வு ஏற்படுத்தி அவர்களுக்கு அறிவுரை வழங்கினர். மேலும் தடுப்பூசி குறித்தும் நோயில் இருந்து எப்படி தப்பிக்கலாம் என்று அறிவுரை வழங்கினார். இதுகுறித்து எஸ்பி பாலகிருஷ்ணன் கூறுகையில், மாவட்டத்திலுள்ள அனைத்து துறை போலீசாருக்கும் கொரோனா தடுப்பூசி குறித்த விழிப்புணர்வை ஏற்படுத்த வேண்டும் என்று தெரிவித்திருந்தேன்.

அதனடிப்படையில்  நேற்று மாவட்டம் முழுவதும் சுமார் 200க்கும் மேற்பட்ட போலீசார் திருப்பத்தூர் பஸ் நிலையம், குடியிருப்பு பகுதி, ஓட்டல், கடைகள், பெட்டிக்கடைகள், பேக்கரி கடைகள் என மக்கள் அதிகம் கூடும் இடங்களிலும் போலீசார் மற்றும் சப்-இன்ஸ்பெக்டர் இன்ஸ்பெக்டர் உள்ளிட்ட அதிகாரிகள் நேரடியாக களத்தில் இறங்கி கொரோனா தடுப்பூசியை செலுத்திக் கொள்ள வேண்டும். தடுப்பூசி செலுத்திக் கொண்டால் உயிரை காப்பாற்றிக் கொள்ளலாம். நோய் தொற்று இல்லாமல் நமது மாவட்டத்தை உருவாக்க முடியும். எனவே தடுப்பூசி குறித்த பயம் எதுவும் தேவையில்லை. குறிப்பாக இணை நோயுள்ளவர்கள் இந்த தடுப்பூசி செலுத்திக் கொண்டால் நோய்த்தொற்று வந்தாலும் அதிலிருந்து நாம் உயிர் போகாத அளவிற்கு காப்பாற்றிவிடலாம். எனவே நீங்கள் தடுப்பூசி செலுத்திக் கொள்ள வேண்டுமென்று அனைத்து பொதுமக்கள் மற்றும் வணிக வியாபாரிகள், பஸ் நிலையத்தில் உள்ள ஆட்டோ ஓட்டுநர், பஸ் ஓட்டுநர்களிடத்தில் விழிப்புணர்வுகளை ஏற்படுத்தி வீடு வீடாக சென்று தடுப்பூசிகள் குறித்து போலீசார் பொதுமக்களுக்கு விளக்கி வருகின்றனர்.

பாருங்க:  சென்னையை தவிர பிற மாவட்டங்களில் சலூன் கடைகளை திறக்க அனுமதி! தமிழக அரசு அறிவிப்பு!

இதில் திருப்பத்தூர் மாவட்டத்தில் வாணியம்பாடி, ஆம்பூர், ஜோலார்பேட்டை, நாட்றம்பள்ளி, மாதனூர் உள்ளிட்ட பல்வேறு பகுதிகளில் உள்ள போலீசாரும் கிராமப்புற பகுதி நகர்ப்புற பகுதிகளுக்கு சென்று பொதுமக்களிடம் தடுப்பூசி குறித்து விளக்கி பொதுமக்களுக்கு போலீசார் மத்தியில் சுகாதாரத்துறை அதிகாரிகள் தடுப்பூசி செலுத்தி வருகின்றனர். இவ்வாறு அவர் தெரிவித்தார்.

Continue Reading

Trending