சுரேஷ் பீட்டர் 90களில் புகழ்பெற்ற ராப், பாப் பாடகர் ஆவார். இசையமைப்பாளர் ஏ.ஆர் ரஹ்மானின் இசையில் சிக்கு புக்கு ரயிலே உள்ளிட்ட ஜென் டில் மேன் பாடல் எல்லாம் இவர் பாடியதே.
தனியாக இசை ஆல்பத்தை அக்காலம் தொட்டே இவர் வெளியிட்டு வருகிறார். சரத்குமார் நடித்த கூலி, தென்காசிப்பட்டினம் படங்களின் இசையமைப்பாளரும் இவரே. சில வருடங்களாக அதிகம் திரையில் தோன்றாத இவர் பெங்களூருவில் வசித்து வருகிறார்.
ஒரு சில பழைய பாடல்களையும் புதிய வடிவில் பாடி அவ்வப்போது யூ டியூபில் வெளியிடுகிறார்.
அப்படியாக சமீபத்தில் சிக்கு புக்கு ரயிலே பாடலை பாடி வேறு வடிவத்தில் வெளியிட்டுள்ளார்.
இது போல ஊர்வசி, அந்த அரபிக்கடலோரம் உள்ளிட்ட பல பாடல்களை புதிய வடிவில் வெளியிட்டு வருகிறார்.
