பாலிவுட் மற்றும் ஹாலிவுட் படங்களில் நடித்து பிரபலமான இர்பான் கான் உடல் நலக் கோளாறு காரணமாக உயிரிழந்துள்ளார்.
பிரபல பாலிவுட் நடிகர் இர்பான்கான் (வயது 53) புற்றுநோய் காரணமாக சிகிச்சை பலனின்றி உயிரிழந்தார். கடந்த சில மாதங்களாக புற்றுநோய்க்கு சிகிச்சை பெற்று இவர் சமீபத்தில் அவர் அமெரிக்கா சென்று சிகிச்சை பெற்று திரும்பினார்.
இதையடுத்து கடந்த மூன்று நாட்களுக்கு முன்னர் தான் ராஜஸ்தானில் அவரது தாய் காலமானார். ஊரடங்கு உத்தரவு காரணத்தால் தாயின் இறுதி சடங்கில் கூட பங்கேற்க முடியாத இர்ஃபான் கான் வீடியோ மூலம் தனது தாயின் இறுதிச்சடங்கை கண்ணீருடன் பார்த்த வீடியோ வெளிவந்து அனைவரையும் அதிருப்திக்குள்ளாக்கியது.
இந்நிலையில் இன்று இர்ஃபான் கான் மறைவு அனைவரையும் அதிர்ச்சிக்கு உள்ளாக்கியுள்ளது. இதையடுத்து திரையுலகினர் மற்றும் ரசிகர்கள் இரங்கல் தெரிவித்துள்ளனர்.
