Connect with us

Corona (Covid-19)

கொரோனா சிகிச்சை அளித்த மருத்துவமனையில் 29 பேருக்கு வைரஸ் தொற்று! அதிர்ச்சி தகவல்!

Corona status in TN and india

டெல்லியில் உள்ள டாக்டர் பாபா சாகேப் அம்பேத்கர் மருத்துவமனையில் கொரோனா நோயாளிகளுக்கு சிகிச்சை அளித்த மருத்துவர் உட்பட 29 பேருக்குக் கொரோனா இருப்பது உறுதியாகியுள்ளது.

நாடு முழுவதும் கொரோனாவால் பாதிக்கப்பட்டவர்களின் எண்ணிக்கை 25000 ஐ தொட்டுள்ளது. பரவலைத் தடுக்க கடந்த 32 நாட்களாக ஊரடங்கு அறுவிக்கப்பட்டுள்ளது. ஆனாலும் நாளுக்கு நாள் புதிய நோயாளிகள் கண்டறியப்பட்டு வருகின்றன. இந்த கொரொனாவுக்கு எதிரான போராட்டத்தில் மருத்துவர்கள் செவிலியர்கள் உள்ளிட்ட மருத்துவப் பணியாளர்கள் முன்னிலையில் நின்று போராடி வருகின்றனர்.

ஆனால் கொரோனாவுக்கு சிகிச்சையளிக்கும் மருத்துவர்களுக்கும் ஆங்காங்கே இந்த வைரஸ் தாக்குதல் பரவி வருகிறது. இந்நிலையில் தலைநகர் டெல்லியில் உள்ள ஆறாவது செக்டரில் மெட்ரோ ஸ்டேஷன் அருகே பகவான் மகாவீர் மார்க்கில் அமைந்துள்ள டாக்டர் பாபா சாகேப் அம்பேத்கர் மருத்துவமனையில் கொரோனா நோயாளிகளுக்கு சிகிச்சை அளிக்கப்பட்டு வந்த நிலையில் இப்போது  அந்த மருத்துவமனையைச் சேர்ந்த மருத்துவர்கள், செவிலியர்கள், துறை மருத்துவர்கள் மற்றும் பிற ஊழியர்கள் உட்பட 29 சுகாதாரப் பணியாளர்களுக்கு வைரஸ் தொற்று இருப்பது உறுதி செய்யப்பட்டுள்ளது. இந்த தகவலை இவ்வாறு தேசிய உயிரியல் நிறுவனம் தெரிவித்துள்ளது.

இதுவரை டெல்லியில் 2625 பேர் கொரோனாவால் பாதிக்கப்பட்டு 54 பேர் இறந்துள்ளனர். இந்திய மாநிலங்களில் அதிக பாதிப்பைக் கொண்ட மாநிலங்களின் பட்டியலில் டெல்லி 2 ஆவது இடத்தில் உள்ளது.

பாருங்க:  இந்தியாவில் கொரோனா எண்ணிக்கை பூஜ்ய எண்ணிக்கையை தொடுவது எப்போது? ஆய்வு முடிவுகள்!

Corona (Covid-19)

கொரோனாவால் இறந்தவரின் குடும்பத்துக்கு 5000 உதவி- கேரள முதல்வர்

மற்ற மாநிலங்களை விட கேரளாவில்தான் அதிகம் கொரோனா தொற்று பரவியது. மற்ற மாநிலங்களில் கொரோனா தொற்று வேகமாக குறைந்தபோதிலும் கேரளாவில் மட்டும் ஏதோ கேரளா இந்தியாவை விட்டு தனித்து இருப்பதுபோல் கொரோனா குறையாமலே இருந்து வந்தது.

இந்த நிலையில் தற்போது கேரளாவில் கொரோனா குறைந்திருக்கிறது.

இந்நிலையில் கேரள முதல்வர் பினராயி விஜயன் தனது அறிவிப்பில் கூறி இருப்பதாவது, கொரோனாவில் இறந்தவர்களின் குடும்பங்களில் இறந்தவர் குடும்பத்துக்கு வருமானம் ஈட்டித்தந்த நபராக இருந்தால் அவரது குடும்பத்துக்கு மாதம் 5000 ரூபாய் மூன்று வருடங்களுக்கு வழங்கப்படும் என தெரிவித்துள்ளார்.

இந்த அறிவிப்பு வரவேற்பு பெற்றுள்ளது.

பாருங்க:  ஏப்ரல் 04 – கொரோனா பாதித்த மாவட்டங்களின் எண்ணிக்கை பட்டியல்
Continue Reading

Corona (Covid-19)

தடுப்பூசி போடுவதை ஹிந்தி சேனலில் காட்ட சொன்ன நரிக்குறவர்

கொரோனா இரண்டாவது அலைக்கு பின்னர் தடுப்பூசி போடும் பணி வேகமெடுத்துள்ளது. தடுப்பூசி போடாத இடங்களில் சுகாதாரத்துறையினர் தடுப்பூசி போட சொல்லி வற்புறுத்தி வருகின்றனர்.

இந்த நிலையில் அமைச்சர் மா.சுப்ரமணியன் ஒவ்வொரு ஏரியாவாக சென்று தடுப்பூசி போட சொல்லி வலியுறுத்தி வருகின்றார்.

இன்று அதிகாலை சென்னை மெரினாவில் நரிக்குறவர்களுக்கு தடுப்பூசி போடப்பட்டது. அப்போது ஒரு நரிக்குறவர் இவ்வாறு கூறினாராம்.

எங்களுக்கு தடுப்பூசி போடுவதை இந்தி தொலைக்காட்சியில் காட்டச்சொல்லுங்கள்,எங்களூரில் ( மகாராஷ்ட்ரா)எல்லோரும் போட்டுக்கொள்ளட்டும்”என்றாராம்.

இதை சுகாதாரத்துறை அமைச்சர் மா.சுப்ரமணியம் தனது பக்கத்தில் பகிர்ந்துள்ளார்.

பாருங்க:  தமிழக அரசு ஊழியர்கள்,ஆசிரியர்களுக்கு 5% அகவிலைப்படி உயர்வு அரசாணை வெளியீடு!
Continue Reading

Corona (Covid-19)

திருப்பத்தூர் மாவட்டத்தில் கொரோனா ஊசி போட்டுக்கொள்ள போலீசார் வீடு வீடாக சென்று அறிவுறுத்தல்

திருப்பத்தூர் மாவட்டத்தில் மெகா தடுப்பூசி முகாம் நேற்று நடைபெற்றது. இதில் 485 வாக்குச்சாவடி மையங்களிலும், 100 நடமாடும் தடுப்பூசி மையம் அமைக்கப்பட்டிருந்தது. இந்நிலையில் திருப்பத்தூர் மாவட்டத்தில் உள்ள அனைத்து பகுதிகளிலும் உள்ள மக்களிடம் போலீசார் தடுப்பு ஊசி செலுத்தி கொள்ள விழிப்புணர்வு ஏற்படுத்தி அவர்களுக்கு அறிவுரை வழங்கினர். மேலும் தடுப்பூசி குறித்தும் நோயில் இருந்து எப்படி தப்பிக்கலாம் என்று அறிவுரை வழங்கினார். இதுகுறித்து எஸ்பி பாலகிருஷ்ணன் கூறுகையில், மாவட்டத்திலுள்ள அனைத்து துறை போலீசாருக்கும் கொரோனா தடுப்பூசி குறித்த விழிப்புணர்வை ஏற்படுத்த வேண்டும் என்று தெரிவித்திருந்தேன்.

அதனடிப்படையில்  நேற்று மாவட்டம் முழுவதும் சுமார் 200க்கும் மேற்பட்ட போலீசார் திருப்பத்தூர் பஸ் நிலையம், குடியிருப்பு பகுதி, ஓட்டல், கடைகள், பெட்டிக்கடைகள், பேக்கரி கடைகள் என மக்கள் அதிகம் கூடும் இடங்களிலும் போலீசார் மற்றும் சப்-இன்ஸ்பெக்டர் இன்ஸ்பெக்டர் உள்ளிட்ட அதிகாரிகள் நேரடியாக களத்தில் இறங்கி கொரோனா தடுப்பூசியை செலுத்திக் கொள்ள வேண்டும். தடுப்பூசி செலுத்திக் கொண்டால் உயிரை காப்பாற்றிக் கொள்ளலாம். நோய் தொற்று இல்லாமல் நமது மாவட்டத்தை உருவாக்க முடியும். எனவே தடுப்பூசி குறித்த பயம் எதுவும் தேவையில்லை. குறிப்பாக இணை நோயுள்ளவர்கள் இந்த தடுப்பூசி செலுத்திக் கொண்டால் நோய்த்தொற்று வந்தாலும் அதிலிருந்து நாம் உயிர் போகாத அளவிற்கு காப்பாற்றிவிடலாம். எனவே நீங்கள் தடுப்பூசி செலுத்திக் கொள்ள வேண்டுமென்று அனைத்து பொதுமக்கள் மற்றும் வணிக வியாபாரிகள், பஸ் நிலையத்தில் உள்ள ஆட்டோ ஓட்டுநர், பஸ் ஓட்டுநர்களிடத்தில் விழிப்புணர்வுகளை ஏற்படுத்தி வீடு வீடாக சென்று தடுப்பூசிகள் குறித்து போலீசார் பொதுமக்களுக்கு விளக்கி வருகின்றனர்.

பாருங்க:  கமல் லிப் சர்வீஸ் மட்டுமே செய்தார்- வானதி சீனிவாசன்

இதில் திருப்பத்தூர் மாவட்டத்தில் வாணியம்பாடி, ஆம்பூர், ஜோலார்பேட்டை, நாட்றம்பள்ளி, மாதனூர் உள்ளிட்ட பல்வேறு பகுதிகளில் உள்ள போலீசாரும் கிராமப்புற பகுதி நகர்ப்புற பகுதிகளுக்கு சென்று பொதுமக்களிடம் தடுப்பூசி குறித்து விளக்கி பொதுமக்களுக்கு போலீசார் மத்தியில் சுகாதாரத்துறை அதிகாரிகள் தடுப்பூசி செலுத்தி வருகின்றனர். இவ்வாறு அவர் தெரிவித்தார்.

Continue Reading

Trending