“இந்தியன் – 2” படம் கமல் ரசிகர்களின் எதிர்பார்ப்பை உச்சத்திற்கே கொண்டு சென்றுள்ளது. படத்தின் ஆடியோ ரீலீஸ் பிரம்மாண்டமாக நடத்தப்பட்ட விதம் கூட படத்தின் மீதான ஆவலை அதிகரிக்க வைத்துள்ளது.
‘தாத்தா வராரு’ பாடல் தான் இப்போது ‘ட்ரெண்ட்’. கமலின் முந்தைய படமான “விக்ரம்” வசூல் சாதனையை படைத்து கமலுக்கு சினிமாவில் மறுவாழ்வு கொடுத்தது என்றும் சொல்ல வைத்தது.
இதனாலும் “இந்தியன் – 2″வின் மீதான மோகம் கூடியுள்ளது. இதன் முதல் பாகத்தை இயக்கிய ஷங்கர் தான் இரண்டாம் பாகத்தின் இயக்குனரும் கூட. கமல் இந்தியனுக்கு சாவே கிடையாது என பேசிய வசனத்தோடு தான் முதல் பாகம் முடிவடைந்தது.
இது தான் “இந்தியன் – 2” முதல் பாகத்தின் தொடர்ச்சியாக இருக்கும் என யூகிக்க வைக்கிறது ரசிகர்களை. ரிலீஸ் தேதியை நெருக்கிக்கொண்டிருக்கிறார் “இந்தியன் – 2” தாத்தா.
இப்படி பட்ட நேரத்தில் “இந்தியன்” முதல் பாகத்தை ரீ-ரிலீஸ் செய்திருக்கிறார்கள். ரசிகர்கள் கொடுத்த வரவேற்பு பலரையும் வாயடைக்க வைத்துள்ளது. மேள,தாளம் முழங்க ஆடி கொண்டாடி இருக்கிறார்கள் கமலின் ரசிகர்கள்.
அது மட்டுமல்லாது “தீனா” பட ரீ-ரிலீஸின் போது அஜீத் ரசிகர்கள் செய்தது போல கமலின் ரசிகர்கள் தியேட்டருக்குள் பட்டாசு வெடித்திருக்கிறார்கள். புகையை அதிகமாக கக்கிய புஸ்வான வெடியை கொளுத்தி விட்டது இப்போது கண்டனத்திற்குரிய செயலாக பேசப்பட்டு வருகிறது.
அஜீத், விஜய் ரசிகர்களுக்கு நாங்கள் மாத்திரம் என்ன சலைத்தவர்களா என்ன?, என ரீலீஸ் கொண்டாட்டத்தினை பார்த்தவதவர்களை சொல்ல வைக்கும் விதாமாக மாற்றி விட்டனராம் உலக நாயகன் ரசிகர்கள். “இந்தியன் – 2” ரிலீஸ் ஒரு பக்கமிருக்க “பாகுபலி” பிரபாஸுக்கு கமல் வில்லனாக நடித்திருக்கும் “கல்கி- 2898 AD” படம் வேற வெளியாகவுள்ளது.
