சாலைகளை சீரமைத்து கொடுங்க… சேற்றில் படுத்து உருண்ட பெண்… வைரலாகும் வீடியோ…!

சாலைகளை சீரமைத்துக் கொடுங்கள் என்று கூறி சேற்றில் படுத்து பெண் கும்பிட்ட வீடியோவானது இணையத்தில் வெளியாகி வைரலாகி வருகின்றது.

மத்திய பிரதேச மாநிலம் ஷியோபூர் மாவட்டத்தில் உள்ள ஒரு பழங்குடியின பெண் சேறு நிறைந்த சாலையில் படுத்து உருண்டு கொண்டிருக்கும் வீடியோவானது இணையத்தில் வெளியாகி பரபரப்பை ஏற்படுத்தியுள்ளது. மழைக்காலத்தில் கிராமத்தில் இருக்கும் சாலைகள் முழுவதும் சேறு நிறைந்து காணப்படுவதால் ஏற்படும் சிரமங்களை உணர்த்தும் வகையில் இந்த போராட்டத்தை அந்த பெண் முன்னெடுத்து இருக்கின்றார்.

பன்வாடா மாதா கோவிலுக்கு செல்லும் சேறு நிறைந்த சாலைகளில் அப்பெண் சேற்றில் படுத்து கும்பிட்டு சென்றுள்ளார். இந்த அந்த வழியில் சென்றவர்கள் அதிர்ச்சியும் குழப்பமும் அடைந்தார்கள். சாலைகளை சீரமைக்க கோரி பலமுறை புகார் அளித்தும் அவர்கள் எந்த நடவடிக்கையும் எடுக்காததால் இவ்வாறு செய்வதாக தெரிவித்திருக்கின்றார்.

கிராமத்தில் அடிப்படை வசதிகள் கூட இல்லாததால் மக்களுக்கு உணர்த்துவதற்கான தனது கடைசி முயற்சியாக இது பார்க்கப்படுவதாக அந்த பெண் தெரிவித்து இருக்கின்றார். இருப்பினும் அவர் சேற்றில் புரண்டு கையெடுத்து கும்பிட்ட வீடியோவானது இணையத்தில் வெளியாகி வைரலாகி வருகின்றது.