மகாராஷ்டிரா மாநிலத்தில் உள்ள புனே விமான நிலையம் இனி துக்காராம் மகாராஜ் விமான நிலையம் என அழைக்கப்படும் என்று தெரிவிக்கப்பட்டிருக்கிறது.
மகாராஷ்டிரா மாநிலத்தில் உள்ள புனே சர்வதேச விமான நிலையத்தின் பெயரை ஜகத்குரு சந்த்ஸ்ரேஸ்தா துக்காராம் மகாராஜ் புனே சர்வதேச விமான நிலையம் என பாஜக அரசு மாற்றம் செய்துள்ளது. நேற்று நடைபெற்ற மராட்டிய அரசின் அமைச்சரவை கூட்டத்தில் இது தொடர்பாக தீர்மானம் நிறைவேற்றப்பட்டு அமைச்சரவை ஒப்புதல் வழங்கப்பட்டுள்ளது.
மேலும் மராட்டிய வரலாற்றில் 17வது நூற்றாண்டை சேர்ந்த இந்து மத துறவியான துக்காராம் பக்தி கவிதைகள் மற்றும் கீர்த்தனைகள் எனப்படும் பக்தி பாடல்களால் நன்கு அறியப்படுபவர். எனவே அவரது பெயரை புனே விமான நிலையத்திற்கு சூட்டி கவுரவிக்க மராட்டிய அரசு முடிவு எடுத்து இருக்கின்றது.
மகாராஷ்டிராவில் வரும் நவம்பர் மாதம் சட்டமன்ற தேர்தல் வரவுள்ள நிலையில் இந்த பெயர் மாற்றம் பாஜக கூட்டணி அரசின் முக்கிய நகர்வாக பார்க்கப்பட்டு வருகின்றது. மேலும் இந்த பெயர் மாற்றத்திற்கு பலரும் வரவேற்பு கொடுத்துள்ளனர்.
