மாநிலத்தின் பெயர் இல்லை என்றால் புறக்கணித்ததாக அர்த்தமா…? நிர்மலா சீதாராமன் கேள்வி…!

மாநிலங்களின் பெயர்கள் பட்ஜெட்டில் இடம்பெறாததால் அந்த மாநிலங்கள் புறக்கணிக்கப்பட்டு விட்டது என்று அர்த்தம் இல்லை என நிர்மலா சீதாராமன் பேசியிருக்கின்றார்.

மக்களவையில் மத்திய பட்ஜெட் மீதான விவாதத்தில் மத்திய நிதி மந்திரி நிர்மலா சீதாராமன் பேசியிருந்தார். அப்போது அவர் கூறியதாவது” தற்போது தாக்கல் செய்யப்பட்ட பட்ஜெட் 2047 காண முதல் படி. பட்ஜெட் மொத்த மதிப்பு 48.21 லட்சம் கோடி ரூபாய் ஆகும். கொரோனா காலத்தில் மத்திய அரசின் துதி நடவடிக்கையால் நாம் மீண்டும் எழுந்தோம். சமூக நலன் சார்ந்த திட்டங்களுக்கு 1.52 லட்சம் கோடி ஒதுக்கீடு செய்யப்பட்டுள்ளது.

விவசாயத்துறைக்கு 8000 கோடி கூடுதலாக ஒதுக்கீடு செய்யப்பட்டுள்ளது. சுகாதாரத் துறைக்கு 1.36 லட்சம் கோடி ஒதுக்கீடு செய்யப்பட்டுள்ளது. பட்ஜெட்டில் எந்த ஒரு துறைக்கும் குறை வைக்கவில்.லை நகர்ப்புற வளர்ச்சிக்கான ஒதுக்கீடு அதிகரிக்கப்பட்டுள்ளது. 2004 முதல் 2005 இல் காங்கிரஸ் தலைமையிலான கூட்டணி அரசு பட்ஜெட்டில் 17 மாநிலங்களின் பெயர்கள் இடம்பெறவில்லை.

2009 முதல் 2019 ஆம் ஆண்டுகளில் 26 மாநிலங்களின் பெயர்கள் குறிப்பிடவில்லை. 2006 முதல் 2007 பட்ஜெட்டில் 13 மாநிலங்களின் பெயர் இடம் பெறவில்லை. நீங்கள் செய்ததால் தவறில்லை நாங்கள் செய்தால் மட்டும் தவறா? மக்கள் மத்தியில் பயத்தை ஏற்படுத்த எதிர்க்கட்சிகள் முனைப்பு காட்டி வருகின்றது.

பல்வேறு மாநிலங்களுக்கு நிதி ஒதுக்கீடு செய்யப்பட்டு இருக்கின்றது. கேரளாவின் விழிஞம் துறைமுகம் அதானிக்கு ஒப்படைக்கப்பட்ட போது யாரும் ஒன்றும் சொல்லவில்லை. மக்களவையில் ஏ1 ஏ2 எனக் கூறியவர் ஒரு வார்த்தை கூட சொல்லவில்லை. விவசாயிகளை வைத்து எதிர்க்கட்சிகள் நாடகம் நடத்துகிறார்கள். பட்ஜெட்டில் மாநிலங்களின் பெயர் இல்லாததால் அவர்கள் புறக்கணிக்கப்பட்டார்கள் என்று அர்த்தம் இல்லை என நிர்மலா சீதாராமன் கூறியிருக்கின்றார்.