திடீர் மின் கட்டண உயர்வு… இந்திய கூட்டணி சார்பில் ‘பந்த்’… பள்ளிகளுக்கு விடுமுறை…!

புதுச்சேரியில் திடீர் மின்கட்டண உயர்வை கண்டித்து இந்திய கூட்டணி சார்பில் பந்து அறிவிக்கப்பட்டுள்ளது இதனால் பள்ளிகளுக்கு இன்று விடுமுறை கொடுக்கப்பட்டுள்ளது.

புதுச்சேரியில் ஆண்டுதோறும் மின்கட்டணம் ஏப்ரல் 1-ம் தேதி உயர்த்தப்பட்டு வரு.ம் இந்த ஆண்டு மின்கட்டண உயர்வு தொடர்பாக இணை மின்சார ஒழுங்குமுறை ஆணையம் கடந்த ஜனவரி மாதம் பொது மக்களிடம் கருத்து கேட்டது. ஆனால் நாடாளுமன்ற தேர்தல் அறிவிக்கப்பட்டிருந்தால் கட்டண உயர்வு என்பது தாமதமாக நடைபெற்றது.

இந்நிலையில் கடந்த ஜூன் 16ஆம் தேதி முதல் புதிய மின் கட்டணம் உயர்வு அமலுக்கு வந்தது. இந்த உபயோக மின்சாரத்திற்கு யூனிட்டுக்கு 40 காசுகள் முதல் 75 காசுகள் வரை உயர்த்தப்பட்டன. இந்நிலையில் மின்கட்ட உயர்வை ரத்து செய்ய வேண்டும் என்று பல தரப்பினரும் தெரிவித்து வருகிறார்கள்.

எனவே இந்த திட்டத்தை கைவிட வேண்டும் எனவும், மின்சார துறையை தனியாரிடம் ஒப்படைப்பதற்கு எதிர்ப்பு தெரிவிக்கப்பட்டும் இந்திய கூட்டணியில் இடம் பெற்றுள்ள காங்கிரஸ், திமுக, மதிமுக, கம்யூனிஸ்டுகள், விடுதலை சிறுத்தைகள் கட்சிகள் உள்ளிட்ட கட்சியினர் புதுச்சேரி மாநிலத்தில் இன்று பந்து போராட்டம் நடைபெறும் என்று அறிவித்திருந்தார்கள்.

அதன் படி போராட்டம் நடைபெற்று வருகின்றது. முழு அடைப்பு போராட்டத்திற்கு அழைப்பு விடுக்கப்பட்டுள்ளதால் புதுச்சேரியில் ஒன்றாம் வகுப்பு முதல் எட்டாம் வகுப்பு வரை அரசு மற்றும் தனியார் பள்ளிகளுக்கு இன்று விடுமுறை அளித்து பள்ளி கல்வித்துறை உத்தரவிட்டு இருக்கின்றது.