பிக் பாஸ் சீசன் 8… நிகழ்ச்சியில் இருந்து விலகுவதாக அறிவித்த கமல்ஹாசன்…!

பிக் பாஸ் நிகழ்ச்சியில் இருந்து விலகுவதாக உலகநாயகன் கமலஹாசன் அறிவித்திருக்கின்றார். கடந்த 7 ஆண்டுகளாக பிக் பாஸ் நிகழ்ச்சி, விஜய் டிவியில் மிகப் பிரபலமாக ஒளிபரப்பாகி வருகின்றது. இந்த நிகழ்ச்சியை கமலஹாசன் தொகுத்து வழங்கி வந்தார். இந்நிலையில் அடுத்த வரும் சீசனை கமலஹாசன் தொகுத்து வழங்கப் போவதில்லை என்று முடிவு எடுத்துள்ளார்.

இது தொடர்பான அறிக்கை ஒன்றை தனது எக்ஸ் தள பக்கத்தில் வெளியிட்டு இருக்கின்றார். அதில் அவர் தெரிவித்திருந்ததாவது: “7 ஆண்டுகளுக்கு முன்பு தொடங்கிய எங்கள் பயணத்திலிருந்து ஒரு சிறிய இடைவெளி எடுக்கின்றேன் என்பதை கனத்து இதயத்துடன் தெரிவித்துக்கொள்கிறேன்.

சினிமா பணிகள் காரணமாக பிக் பாஸ் தமிழ் சீசன் வரவிருக்கும் சீசனை என்னால் தொகுத்து வழங்க முடியவில்லை. உங்கள் இல்லங்களில் உங்களை சந்திக்கும் பாக்கியம் எனக்கு கிடைத்தது. உங்கள் அன்பையும் பாசத்தையும் நீங்கள் எனக்கு வழங்கினீர்கள். பிக் பாஸ் தமிழ் நிகழ்ச்சியை இந்தியாவின் சிறந்த தொலைக்காட்சி ரியாலிட்டி ஷோக்கலில் ஒன்றாக மாற்றுவதற்கு போட்டியாளர்களின் உற்சாகம் மற்றும் உணர்ச்சிபூர்வமான பங்களிப்பை காரணம்.

உங்கள் ஒவ்வொருவருக்கும் நிகழ்ச்சியில் கலந்து கொண்ட போட்டியாளர்களுக்கும் நான் மனப்பூர்வமாக நன்றியை தெரிவித்துக் கொள்கிறேன். கடைசியாக விஜய் டிவியின் அற்புதமான குழுவிற்கும், இந்த நிகழ்ச்சியை மாபெரும் வெற்றியடைய செய்ததில் ஈடுபட்டுள்ள ஒவ்வொரு குழு உறுப்பினருக்கும் நன்றி. இந்த சீசன் இன்னொரு வெற்றியாக இருக்க வேண்டும் என்று நம்புகிறேன்” என தெரிவித்திருக்கின்றார்.